Miami Open-ah Watson leh Azarenka a chak nghal

British number one Heather Watson chuan Russia Evgeniya Rodina chu Miami Open first round-ah 3-6 6-1 7-5 in a hneh. Second round-ah seeded 13-na Angelique Kerber nen an inhmachhawn leh ang.

Boruak lum tak hnuaia inkhelah Watson hian a set khatna hloh nghal mah se insiamṭha nghal in set hnihna leh set thumna a la chhunzawm thei a ni. Indian Wells aṭanga a tlak hnu a inkhelh leh hmasak ber a hnehna a chang thei nghal hi a lawm thu a sawi.

Inkhel dangah Victoria Azarenka chuan a khingpui Silvia Soler-Espinosa chu 6-1, 6-3 a hnehin awlsam takin second round a in vaw tling bawk.

Azarenka chuan, "A bul ka ṭan ṭhat avangin thil a awlsam phah a ni. Set hnihnaah kha chuan kan inbei tawk hle a, ka vannei ta zawk a ni," tiin a sawi.