Leicester-in thiam an chang

Premier League club Leicester City chu Premier League profit & sustainability rules (PSR) dan bawhchhiaah puh ni mah se, an khinletnaah thiam an chang a, independent panel chuan Foxes hi thubuai siamsak an nih hian Championship lamah an relegate tawh, tiin thiam an chantir a ni.

Hetihlai hian Premier League chuan thutlukna chu mak an tih thu an sawi a, Foxes chuan, "Dana a inziah ang thlapa engkim kalpui a nih theih nan keini chuan theihtawp kan chhuah mai a ni," an ti ve thung.

PSR danah club-te hian season thum chhungin pound maktaduai 105 aia tam an hloh thiang lo a, Leicester hian thiam chang lo ngat se chuan point paihsak theih tur an ni. Mahse, thubuai siamsak an nih hian PL-ah an awm tawh lo a, Foxes hian hei hi chhuanlamah hmangin, thiam an chang ta a ni.

Panel chuan, "Thubuai siamsak an nih hian Foxes hi Premier League club an ni tawh lo a, chuti chunga thubuai siamsak hi a fel lo a ni," an ti a, Premier League lam an lawm lo hle.

Premier League chuan, "Appeal board hi an sawifiahnaah hian an dik a nih chuan, club tinin PSR kal kan dan hi an nei thei vek dawn a ni," an ti a, panel thutlukna avanga thil pawi zawk a thlen theih thu an sawi.

Season hmasa khan Nottingham Forest leh Everton te chu dan an bawhchhiat avangin thubuai siamsak an lo ni tawh a, anni erawh thiam chang ve loin point paihsak an ni.