Dhoni a la chawl dawn lo

India captain MS Dhoni hian World Cup zawh lamah cricket chawlhsan mai tur anga sawi thuthang a awm. Mahse, MS Dhoni chuan chawlh a la tum mai rih loh thu a tichiang.

December 2014-a Test captain a nihna aṭanga bang Dhoni chuan, "Kum 33 chauh ka la ni a, ka la hrisel ṭhain ka la fit hle. Nakumah T20 World Cup ka khel leh phawt anga, chutah chuan 2019 World Cup ka khelh thlen dawn leh dawn loh ka tichiang chauh ang," a ti.

India coach Duncan Fletcher chawlh dawn leh dawn loh chungchangah Dhoni chuan, "BCCI leh ama inkar a ni a, keiin sawi theih ka nei lo," a ti a, engmah a sawi chhunzawm duh lo.