India chak loh nghawng chu

Crikcet atchilhna ram India-ah chak loh tuar thiam lo an tam a, Vellore khawpuia vai tleirawl pakhat phei chuan a tuar thiam lo fal a, India chak loh hi hrethiam lo in a lei a tan bung!

Fans ṭhenkhat chu khawlaiah inhawrkhawmin India Cricket team member ho thlalak an hal a, TV te vawm chhiain India cricket team an demna nasa takin an au chhuah pui.

Ranchi khawpuia India captain MS Dhoni 'in' chu India an chak loh rual khan venhimna nasa tak pek nghal a ni a, Ranchi Superintendent of Police Prabhat Kumar chuan fans ṭhenkhatin Dhoni in chu an beih mai an hlauhthawn vang a nih thu a sawi.

India batsman pawimawh Virat Kohli bialnu Bollywood star lar Anushka Sharma chu fans tam takin demin twitter lamah sawichhiatna a tawk nasa hle. Kohli hian ball 13 a hmachhawnah run 1 chiah a vawchhuak a, hei hi a bialnu vanga game lama rilru pe tawk lo angah fans ho chuan an ngai a ni.

India captain ropui chawl ta Saurav Ganguly erawh chuan Anushka hi chhanin, "Anushka hian eng thil mah tih sual a nei lo. India cricket team member ṭawiawmtu an chhungkhat te ang tho in Kohli hi a rawn ṭawiawm ve a ni mai a, tihsual engmah a nei lo," a ti.