Sharapova barakhaihtu Gavrilova

World number 97 Daria Gavrilova chuan World number 2 Maria Sharapova chu straight-sets 7-6 (7-4) 6-3 a hneh in Miami Open third round a lut.

Chak zawk tur a beisei Russian tennis star hian beisei a pha lo hle a, set khat­mah la loin a chak lo a ni.

Inkhel dangah seeded pali na Caroline Wozniacki chuan second round-ah harsatna a tawk lo a, a khingpui American Madi­son Brengle chu 6-0 6-1 a sawpin darkar khat pawh tling loah hnehna a chang.

Mipa lamah pawh beisei loh result kan hmu a, World number 28 Canadian Vasek Pospisil chuan Juan Martin Del Potro chu 6-4 7-6 (9-7) in a hneh bawk. Pospisil hi hliam vangin January aṭang khan a inkhel thei lo reng a, a inkhelh lehna hmasa berah hnehna changin Miami Open second round a inhlangkai a ni.