Kane hi England Muller a ni - Sir Geoff Hurst

1966 World Cup final-a England tana hattrick siamtu Sir Geoff Hurst chuan Totten­ham Hotspurs striker Harry Kane chu World Cup-a Ger­many champion puitu Thomas Muller nen a khai khin.

Nizan khan England hian Euro 2016 quali­fier-ah Lithuania an hmachhawn a, result kan hre hman lo.

Hurst chuan, "Kane nena in ang ka tih ber chu Thomas Muller a ni. Anni pahnih hi en mai chuan footballer pawh an ang lo a, mah se field chhungah an ṭangkai a ni. Muller hi tlaw hmel mah se khawvela footballer ṭha ber zinga chhiar tel a ni," tiin player pahnih inanna a sawi.

England hero Hurst chuan sawi chhunzawmin, "Kane hi player fing tak a ni a, a thiam tel bawk. Penalty area-ah a hriam em em a, goal khung thei tak a ni a, hmun rem lo deuh aṭangin goal a khung mai ṭhin. Kan player-te'n hma an sawn zel a, Euro-ah chuan quarterfinal emaw semifinal emaw tal kan thlir tur a ni," tiin a sawi.