India hmeichhe World number 1 hmasa ber Saina

Badminton superstar Saina Nehwal chu India hmeichhe zingah World number 1 ni thei hmasa ber a ni. Indian hmeichhia ten an tih theih loh tur a ngaih ṭhin chu rawn thai chhia in record a siam ta.

Badminton world ranking hi kar 52 chhunga an match khelhṭhat 10 aṭanga teh ṭhin a ni a, Saina hian world number 1 lo ni reng tawh leh Olympic Champion nilai Chinese Li Xuerui leh pelin number 1-ah a inhlangkai ta a ni. Kum 2010 hnulama Chinese mi ni lo world number 1 an nihlehna hmasa ber a ni.

Kum 25-a upa Nehwal chuan, "World number 1 ni tur hian ka lo suangtuah phak ngai lo. Ka nu hian ka tan Olympic medal min lak sak rawh a lo ti tawh ṭhin a, ka tihhlawhtlin sak tawh. Chumi hnuah world number 1 i ni thei min ti leh a tunah chuan atakin ka ni ve leh ta reng mai, a ropui a sawingaihna pawh ka hre lo hial zawk a ni," tiin a sawi.

Siana hian Indian open-ah Yui Hashimoto hnehin final a inhlangkai a, nimin khan final-ah hian Ratchanok Intanon nen an inhmachhawn ang, an inkhel result erawh kan hre hman ta lo.