Watson tan Miami Open a tawp

British number 1 Heather Watson chu seeded 13 Angelique Kerber hneh loin Miami Open second round aṭangin a tla. Seeded number 1 Serena Williams-i erawhin harsatna a la tawk lo.

Indian wells aṭanga a tlak hnuah ṭha takin rawn khel chho leh nghal mah se, Miami open second round-ah hian a khingpui Kerber lakah hian set khatna chu 7-5 in a hloh nghal a. Set hnihnaah thapui rawn chhuah leh in 3-6 in a la let ve leh. Set thumnaah Kerber hian 6-4 a chhuh let ve lehin third round a inhlangkai ta a ni.

Tournament ṭan dawn khan Williams hian a khupah hliam tenau a tuara, mahse hei hian harsatna a siam lem lo niin a lang. A khingpui Monica Niculescu chu 6-3 6-1 in awlsam takin a hneh a, third round a inhlangkai bawk.

Mipa lamah seeded number 1 Novak Djokovic chuan a khingpui Martin Klizan lakah harsatna a tawk bik lo. Set khatna minute 23 chhung lekin 6-0 in a la a, set hnihna pawh 5-3 a la chhunzawmin a khingpui hi a sawp hle a ni. DJokovic hian third round-ah Gilles Muller hneh tu Steve Darcis a hmachhawn leh ang.