Montenegro-Russia inkhelah buaina chhuak

Monetnegro khawpui Podgorica-ah Fabio Ca­pello enkawl Russia chu Euro 2016 qualifier khel turin an zin chhuak a, an player te'n fans lam aṭanga beihna an tawh avangin Zirtawpni a an qualifier match chu tihtawp a ni.

Inkhel an ṭan chiah tihin Russia goalkeeper Igor Akinfeev chu hnung lam aṭangin a luah halmawi hmangin vawm a ni a, a nghawng tlem kangin damdawi-in panpui nghal a ni. He thil thleng vang hian inkhel chu minute 35-a tih khawtlai a ni.

Minute 66-naah Russia-in penalty an hmu a, Roman Shirokov pet chu Montenegro keeper-in a dan sak. Ball per field pawna chhuak chu Dmitri Kombarov theh a tum lai takin fans-in an rawn vawm leh a, inkhel tihtawp a ni zui ta a ni.

Capello chuan, "A tira Akinfeev an vawm khan inkhel kha an ti tawp nghal mai tur a ni a, he thil thleng hian minti lawm lo tak zet a ni," a ti.

Montenegrin FA general secretary Momir Djurdjevac chuan thil thleng chungchang an fan-te a dem thu a sawi.

The Russian Football Union (RFU) chuan Europe-a football thuneitu sang UEFA hnenah offi­cial-a complaint an theh luh tur thu an sawi bawk.