CYMA-MFA football

Central YMA leh Mizoram Football Association ṭang kawpin an buatsaih tur Inter Branch YMA Football Championship chu April 21-ah khelh ṭan tura ruahman a ni a, inbuatsaihna chak taka kalpui mek a ni.

He intihsiaknaah hian Mizoram hmun hrang hrang aṭangin team ṭhahnem tak an tel dawn a, hei vang hian a tir lamah Aizawla khelmual pali hman tura buatsaih mek a ni.

Tun ṭumah hian Central YMA leh MFA thawk dunin ruahmanna fel tak siam a ni a, Mizoram hmun hrang hranga YMA member-te football inelna a nih rualin 'talent search' hun ṭangkai atan hman a ni ang.

Entry Fee hi March thla chhungin CYMA office-ah pek theih a ni.