Malaysia-ah Vettel unpha an awm lo

Nimin khan Formula one Malaysian Grand Prix chu chu tlan a ni a, Ferrari driver Sebastian Vettel chu Ferrari car a khalh hnua a vawikhat nan pakhatna a ni.

World champion ṭum li lai ni tawh Vettel hi kum 2013 Brazilian Grand Prix hnua lama pakhatna a nih lehna hmasa ber a ni a, Intlansiak a hmachhawn tawh zawng zawng aṭangin vawi 40 pakhatna a nihna chiah a ni thung.

Sepang International Circuit a intlansiakah hian Ferrari driver leh Mercedes driver te an inel tawk hle a, pahnihna aṭanga bul ṭan Vettel chuan pole position aṭanga bul ṭan Lewis Hamilton lehpelin a tlan chak ber a, Nico Rosberg chu pathumnaah thlengin Kimi Raikkonen chu palina a ni bawk.

Mc Laren team an che fuh lo a, an driver pahnih Fernando Alonso leh Jenson Button te chan intlansiak an tlan tluan thei lo ve ve.

German driver vettel chuan, "Hun reitak ka nghah chu a takin a lo thleng leh ta. Ferrari car khalh chunga pakhtna ka ni thei hi ka lawm takzet a ni. Kan elpui team ṭha tak tak kara hnehna kan chang thei hi ka inchhuang hle," tiin a sawi.