Inkhel chhehvel

Australia tan kumin World Cup hi an vawi nga champion na niin an aia World Cup champion hnem an la awm lo.

Melbourne Cricket Ground-a inkhel entu mipui kha an ṭhahnem khawp a, an vaiin mi 93,013 in inkhel kha a hmunah an en.

New Zealand tan an World Cup final match hmasa ber a ni a, an final khelh hmasak berah an champion zo ta lo a ni.

Final a intum team pahnih hi group stage-ah an lo in tum tawh a, New Zealand in wicket khatin hnehna an chang. Kumin World Cup hi New Zealand leh Australia in an inthlen ṭawm a, Final hi New Zealand in kumin World Cup match an ram pawna an khelh hmasak ber niin an chak zo ta lo a ni.

Kumin World Cup-a wicket 22 la tu Australian fast bowler Mitchell Starc chu Player of the Tournament-ah thlan niin wicket 22 a la a, Australia champion na tura player thawhhlawk ber pawl a ni.

Run 36 chiah pe a wicket thum latu James Faulkner chu man of the Match-ah thlan a ni.