Ozil a inkhel dawn lo

Nimin khan Arsenal-in Premier League khel tur squad an thehlut a, Mesut Ozil leh Sokratis Papastathopoulos te hming a awm loa sawi a ni.

Gunners hian tun dinhmunah khawtual player (non-homegrown players) ni lo player 19 an kawl mek a, player 17 ziahluh a ngaih si avangin Ozil leh Sokratis te hian a tuar niin a lang.

Kar liam ta khan Arsenal-in Europa League khel tur squad an puang a, Ozil a awm tawh lo. Premier League khel tur zinga Ozil hi a awm lo leh a nih chuan kumin chhung awl turah a ngaih theih.

Kum 32 mi midfielder hian kar khatah £350,000 a hlawh a, Arsenal player hlawh tam zinga mi niin season tawpna ber a hmang mek.

Ozil-a'n Gunners tana a inlan hnuhnun ber chu  March 7-a West Ham nen an inkhelh ṭum kha a ni a, Mikael Arteta-a'n tun season-ah a la chhawr lo.