Ronaldo tel loin Madrid a kal thei - Raul

Real Madrid legend Raul chuan Cristiano Ronaldo-a'n Santiago Bernabeu chhuahsan mah se Spanish club hlun chu a kal ngaia a kal zel theih tur thu a sawi.

Portugal international hian kum 2009 khan Manchester United chhuahsanin Real Madrid a zawm a, La Liga club tan hian season kaw chhungin inlena hrang hrangah goal 300 chuang khung tawhin Champions League nomawi vawi hnih a chawi pui tawh - mi tam tak chuan Real hi an star player Ronaldo chungah an innghat lutuk a, a tel lo chuan an ropui chhun-zawm theih loh an ring hial.

Mahse, Real Madrid tana match 550 a khelh aṭanga goal 228 khungtu Raul ngaihdan erawh a danglam thung, "Tun hnai season sarih chhung chu Cristiano hi club top scorer a ni a, a hnatawh leh hnuhma hi dah hniam theih a ni lo. Ani nen hian kum khat kan khel dun a, kan inhre ṭha hman viau a, a theihna san zia pawh ka hria," a ti.

Kum 31-a upa Ronaldo tel loin Madrid a kal thei ang em tih zawhna chu chhangin, "Thei e, Madrid hian player ropui a lo nei tawh ṭhin a, a la nei zel bawk ang. A pawimawh ber chu thawhhona
ṭha neih a ni," tiin a sawi.