Dortmund chakna Aubameyang

German Bundesliga pahnihna Borussia Dortmund chuan Ninga-ni zan khan Pierre-Emerick Aubame-yang goal hnih khung hmangin St. Pauli chu 3-2 in an hneh.

Season hmasaa Dortmund tana inlena hrang hranga goal 39 khung-tu Gabon international Auba-me-yang-a'n a goal khung thiam a la theihnghilh lo a, inkhel ṭan aṭanga minute lina lekah captain Sven Bender thawhrah sengin goal hmahruai a khung.

Saint-Etienne star hlui hian penalty aṭanga goal khung lehin 2-0 in hma a hruai pui. Thomas Tuchel-a hoten an goal hnih neih avangin an inthlahdah a, St. Pauli tan Nico Empen chuan rin loh takin minute 61 leh 79-ah goal khungin an si phurh a sut zo!

German chauh ni lo Europe-ah pawh club ṭha ni phak Dortmund an hawihai a, mahse an buai chhun-zawm hran lo. Thla hmasa lawka Anderlecht aṭanga loan hmanga an hawh rawlthar duhawm Orel Mangala chuan hun tawp hma minute hnih chiah a awm tawh tihah goal khungin a club thar hnehna a chanpui nghal.

Hnehna an chan rualin Dortmund hian an star player Marco Reus chungchangah thu lawmawm dang an nei bawk. Germany international hi Bayern Munich nen DFB-Pokal final an khelh ṭumin a hliam a - Euro 2016-ah khan ram aiawhin a kal thei ve lo.

Dortmund CEO Hans-Joachim Watzke chuan, "Marco hian hma a sawn zel a, tunah chuan thulawmawm lam hlir kan dawng rih. Season bul a ṭan theih ngei kan beisei," a ti.

Season thara an league match hma-sa ber atan Dortmund hian Au-gust 27 khian Mainz an hmachhawn ang.