Ajax-ah Germany international a kal

Ajax chuan Spanish La Liga club Real Betis aṭangin Heiko Wester-mann chu kum hnih chhung atan an lalut, Ger-man defender hian Betis-ah hian kum khat daih contract la nei mah se in-remsiamnain Dutch club hi free transfer-in a zawm.

Kum 32-a upa Wester-mann hian professional career chu Greuther Furth-ah bul ṭanin kum 2015-a Betis a zawm hma khan Arminia Bielefeld, Schalke leh Hamburg tan te pawh a lo khel tawh.

Germany tana match 27 khel tawh defender Westermann chuan, "Ajax nen hian kar hmasa khan inbiakna kan nei a, an hnena kal ka duhin ka lungawi nghal hle. He hmunah hian player naupang theihna nei sang tak tak an awm tih ka hria, tunhma aṭanga player ṭha lo chhuah tawhna hmun a ni," tiin a club tharah a phur hle.

Dutch league a sulhnu nei ṭha berte zinga mi Ajax hian tun nipui chhungin Davinson Sanchez leh Mateo Casierra te chu Amsterdam Arena lamah an lo seng lut tawh bawk.