Juventus tan Suarez a khel dawn

Barcelona forward Luis Suarez chuan Juventus a zawm dawn niin Spanish football expert Guillem Balague chuan a sawi a, free transfer-a a chhuak lo a nih pawhin a man a tam loh tur thu a sawi bawk. 

Kum 33 mi striker hian Barca-ah kum khat khel turin contract a la nei a, mahse season tharah hian an match khelha 60% a khel tling a nih chuan kum khat dang pawhsei theih a ni. 

Mahse, Ronald Koeman-a'n Barca coach a nih rualin Suarez hi a ruahmannaa a tel loh thu a hrilh a, Uruguayan striker hian Juventus a pan a nih chuan Lionel Messi elpui kum hlun Cristiano Ronaldo a khelhpui dawn tihna a ni. 

Suarez hian kum 2014 khan pound maktaduai 74-in Liverpool aṭangin Barcelona hi a pan a, match 283-a inlansakah goal 198 khungin nomawi chawi theih ang chu Nou Camp-ah a chawi kim. 

Ajax aṭanga hriat hlawh Suarez hian season hmasaah khan match 36 khelin goal 21 a la khung thei a, a kum tam ve deuh tawh mah se Juve tan a la ṭangkai thei viauin a rinawm. 

Hetihlai hian Spanish chanchinbu lar Mundo Deportivo chuan Juve hian Suarez an lalut thei lo a nih chuan Alvaro Morata lam an hawi tur thu an ziak. 

Season hman zawh taka Atletico Madrid tana match 44-a goal 16 khungtu striker hian Juve tan 2014-16 inkar kha a lo khel tawh a, match 93-ah goal 27-a khungsak.