Portugal squad-ah Sanches a tel lo

Euro 2016 best young player Renato Sanches chu Rio Olympic khel tura Portugal squad-a koh chhin zingah tel tawh mah se manager Rui Jorge-a'n Brazil pan tur player 18 a tarlan zingah telh a ni lo.

Portugal hian extra time-a Eder goal khat khung hmangin a thlengtu France hnehin an ram chanchina a vawi khat nan European Championship nomawi an chawi - he inelnaa tel player zingah Olympic khel tura koh nawn an awm lo.

Bayern Munich mid-fielder thar Sanches bakah hian Raphael Guerreiro, Andre Gomes, Joao Mario, William Carvalho leh Rafa Silva te chu Olympic khel tura hming tarlan chhin zingah tel mah se Euro-a an inlan avangin Rio lama kal chhunzawm tir ai chuan chawlh hahdamtir an ni.

Player kum 23 chung lam zingah Por-to midfielder Sergio Oliveira, C.D. Nacional forward Salvador Agra leh Sporting Clube de Portugal midfielder Andre Martins te hming a lang.