Watford-in Zuniga lalut

Premier league club Watford chuan Colombia defender Juan Camilo Zuniga chu Italian Serie A pahnihna Napoli aṭangain season khat chhunga tan loan-in an lalut.

Colombia tana match 62 khel tawh Zuniga hian 2009 khan Italian club Siena aṭangin Napoli a zawm a, season li hun a hman chhungin match 125 a inlan hman - kumin kum tir lam khan Bologna-ah loan hmang thoin a lo chhuak tawh bawk.

Tun nipui transfer chhungin Watford hian player pali an lakluhna chiah a ni a, Zuniga hma hian centre-back Christian Kabasele, striker Jerome Sinclair leh Isaac Success te an lo lalut tawh bawk.