Juventus-ah Medhi Benatia a kal

Italian champion Juventus chuan Bayern Munich aṭangin Medhi Benatia chu season khat chhung atan loan-in an hawh.

Turin club hian defender Benatia hawh nan hian German Bundesliga champion hnenah hian pound maktaduai 2.5 an pe a, an inremnaah chuan Juve hian an duh a nih chuan nipui trans-fer lo awm leh hunah pound makta-duai 14.3-in a nghetin an lalut thei ang.

Morocco international hian kum 2014 khan AS Roma aṭangin pound maktaduai 23-in Bayern hi a zawma, khatihlaia African player man to ber zinga mi a ni. Season hmasa khan Pep Guardiola hnuaiah inelna hrang hrangah match 23 inlan mah se Bundesliga-ah ṭum 11 chauh inkhel bul a ṭan.

Bayern hian Germany defender Mats Hummels chu an elpui Borussia Dortmund aṭanga an lakluh tawh avangin Morocco tana match 42 khel tawhtu Benatia hi an mamawh vak loah an inngai niin a lang.