West Brom-in Big Sam an lalut

Premier League club West Brom-in Slaven Bilic an ban hnuah team enkawl turin Sam Allardyce an lalut a, thla 18 contract an ziahpui. 

English manager Big Sam hian kum 2018-a Everton a chhuahsan hnuah club a la enkawl leh lo. Kum 66 mi Allardyce hian Premier League club pasarih a enkawl tawh a, relegate a la nei lo.

Baggies hian match 13 an khelh tawh aṭangin point sarih an hmu a, table-ah 19-naah an awm mek. Pathianni zan hian West Brom-in Aston Villa an mikhual dawn a, Big Sam hian West Midlands derby aṭangin a enkawl ṭan ang.

Sam Allardyce hian tun hmain hun harsa aṭangin club ṭhenkhat a lo chhanchhuak tawh. December 2008 khan 18-naa awm Blackburn Rovers a zawm a, season tawpah 15-na a nihpui.

Kum khat hnuah West Ham a zawm a, Championship aṭangin Premier League a kaipui. Kum 2015 khan Sunderland a enkawl a, tla thei dinhmun aṭangin a chhan chhuak. Hun rei lote England enkawlin hemi hnu hian Crystal Palace chu Premier League-ah a ham tanpui leh bawk.