Ronaldo ringtu Neymar

Barcelona forward Neymar chuan Real Madrid thiampuipa Cristiano Ronaldo chu FIFA Ballon d'Or nopui dawm tura bei-sei-awm ber a nih thu a sawi.

Ronaldo hian Real Madrid chu Champions League nomawi a chawi-pui hnuah Portugal tan Euro nomawi a chawi leh a, Real champion-na kawngah an player thawhhlawk ber pawl niin Portugal-ah captain a ni bawk.

Brazil captain chuan an khingpui forward chu fakin, "Ballon d'Or nopui dawm tura pawimawh ber chu champion nomawi chawi a ni. Ronaldo hi Cham-pions League-a a cham-pion hnu lawkah Euro-ah a champion leh bawk a, player ropui tak a ni bawk," a ti.

Ronaldo hian kum 2008, 2013 leh 2014 khan Ballon d'Or chawimawina a dawng a, a elpui ber Lionel Messi chuan kum 2009, 2010, 2011, 2012 leh 2015 khan a dawng thung.