Mourinho hnuaiah Man United chak

Manchester United-in Jose Mourinho hnuaia an match hmasa berah Pathianni zan khan DW Stadium-ah mualneitu Wigan Athletic chu Will Keane leh Andreas Pereira te goal hmangin 2-0 in an hneh.

Portuguese manager Mourinho hian nipui laia a lakluh Eric Bailly leh Henrikh Mkhitaryan te chu inkhel bul a ṭantir a, Armenia captain Micki hi khelmual chhunga hmuhnawm bera chhal ngam a ni.

Nikum September thlaa ngal ruh tliak vanga inhliam Luke Shaw pawhin inkhel bul a ṭan a, Mourinho-a'n Chelsea aṭanga a chhuahtir Juan Mata pawh second half-ah lutin goal hmahruai luh theih nan a thawhhlawk hle.

Wigan an hmachhawn ṭum hian Euro 2016-a player inlante hmel hmuh tur a la awm lo a, United
ṭantu lam chuan technical area pawn chiaha Jose Mourinho ding vel chu a lawm hle. Hei hi a chhan chu coach ban tak Louis van Gaal khan player-te au phur tura a din chhuah meuh loh vang a ni.