Hoffenheim U16 hnehtu India U16

Nakkuma India-in FIFA Under-17 World Cup a thlen tur puala squad-a din India U16 team chuan Europe lama an zinnaah result duhawm an hlawh chhuak zel.

Nicolai Adam-a enkawl team hian Inrinni khan Bundesliga club Hoffenheim U16 chu 2-1 in an hneh a, India tan Sanjeev chuan minute 48-naah goal hmahruai a khung. Hoffenheim hian minute 81-naah an si phurh sut mah se India naupang tan Komal Thata chuan a hnu lawkah an hmahruaina goal dang a khung ve leh a ni.

India goal hnihna lut tur hian Boris Singh chuan mawi taka player pathum a bum hnuah Aman Chhetri tan a siam sak a, Aman hian a kap karah mawi taka ball a kal tir hnuah Komal Thata hian India chakna goal hi a khung ta a ni.

Europe-a fehchhuak mek India U16 team hian Europe-ah inkhel vawi sawm an hmachhawn tawh a, vawi ruk hneh-na changin vawi hnih an khingpui an inhnehtawkpui a, vawi hnih an tlawm bawk.

Hoffenheim an hma-chhawn hma hian team langsar zingah Luxem-bourg U16 (1-0), FC Metz U17 (2-0) an hneh tawh a, Norway U16 (2-0) leh Ba-yer 04 Leverkusen U16 (3-0) lakah an tlawm thung.