Belgium coach an ban

Royal Belgian Football Association (KBVB) chuan Euro 2015 quar-terfinal-a an tlak aṭanga kar hnih naah Marc Wilmots chu Belgium coach a nihna aṭangin an ban.

Kum 47-a upa Wil-mots hian kum li chhung Red Devils a kaihhruaina hnuaiah match 50 khelin FIFA ranking-ah 54-na
aṭangin pahnihna din-hmun luah thei mah se an ram chanchina "golden gene-ration" an tihte hi FIFA World Cup leh Euro-pean Championship-ah quar-terfinal a paltlang pui zo lo.

Belgium hian 2014 World Cup quarterfinal-ah khan Argentina 1-0 in an hneh lo a, kumin Euro-ah khan champion tur a rinkai zinga mi niin Wales lakah Radja Nainggolan goal hmangin hmahruai mah se Ashley Williams, Hal Robson-Kanu leh Sam Vokes te an dan theih loh avangin 3-1 in an chak lo a ni.

Belgian FA president Francois de Keersmaecker chuan, "KBVB's Techni-cal Commission chuan Euro 2016 kha a thlir kir a, a thil tum leh duhte a hlawhtling lo. Tunah chuan thil thar kan ma-mawh a ni," tiin kum 2018 thleng daih contract la nei an coach an ban thu a sawi.

KBVB hian Septem-ber 1 a Spain nen 2018 Russia World Cup quali-fying khelh hma ngeia an ram team enkawltu tur an thlan fel hman an beisei thu an sawi bawk.