Australia final kalkawng

The Kangaroos te hian World Cup final lut turin match riat an khel a, vawi khat chak loin vawi khat ruah sur vangin an khel lo a, vawi ruk chak result hlawhchhuakin final match chhiar telin vawi riat khelhah vawi khat chiah chak loh hmel an hmu a, an hneh loh hi World Cup final-a an hneh leh tak New Zealand an ni.

Australia chakna player te

Kumin World Cup Player of the Tournament-a an thlan Mitchell Starc hian Australia tan a thawh hlawk khawp a, match 8 a khelhah wicket 22 a team tan a la thei a ni.

Australian batsman ṭha tak tak zingah Steve Smith aia che ṭha an awm lo. Kum 25 leka upa batsman hian semi-final a India an khelh ṭumin century a hlapchhuak a, hei hi Australia final hruai thlengtu pawimawh tak a ni. World Cup chhungin run 402 a hlapchhuak a ni.

Glenn Maxwell-a'n a theihna pholang bawkin World Cup chhung zawngin run 324 a vawchhuak thei bawk a ni.

Australia final kalkawng chu hetiang hian a ni
Feb 14 Run 111 in England an hneh
Feb 21 Ruah surin a tihbuai vangin Bangladesh nena an match khelh tur chu khelh a ni lo.
Feb 28 New Zealand nen an inkhel a, wicket khatin an chak lo
March 04 Afghanistan nen an inkhel a, run 275 zet a hnehna changin World Cup-a inhneh chiang ber record a ni.
March 08 Sri Lanka nen an inkhel a, run 64 in hnehna an chang.
March 14 Associate team Scotland chu wicket sarih in an hneh
March 20 Quarterfinal-ah wicket rukin Pakistan an hneh
March 95 Semi-final India nen an khel a, run 95-a hnehna changin World Cup final an lut.