Toure-a hmalam hun a chiang lo

Manchester City midfielder Yaya Toure chuan tunkar chho hian Ivory Coast tana a awm zel dan tur a ngaihtuah tur thu a sawi.

City midfielder pawimawh Yaya Toure hian kumin khan Africa Cup of Nations-ah an ram a champion pui a, kum 31-a upa hian a u Kolo Toure hnung zuia chawlhsan mai a tum niin a lang.

Toure chuan, "Kan tum chu kan thleng tawhin ka hria. Ka hmalam hun tichiang turin ni tam ka mamawh tawh lo ang. Player naupang ṭha zawk an rawn chhuak a, an chungah rinna nghah a ṭul a ni," tiin a sawi.

Club-ah Toure-a'n hmun pawimawh tak a chang a, January thlaa ram tana an inlan ṭhin avangin Manchester City result a nghawng ṭhin. Hei vang hian kum 2017 thleng contract nei Toure tan hlawh tam zawka contract ziak turin ram tana inkhelh chawlhsan hi a tih mak mawh a ni.