Juve-in FA sawmna hnawl

England-a football thuneitu sang Football Association chuan vawi­ina England leh Italy te'n friendly match an khelh hunah Heysel chhiatna-a thi te hriatrengna huai­hawt a tum a, mahse inkhelhna tur khelmual neitu Juventus chuan hei hi an rem ti lo.

Heysel disaster tia an hriat lar tak hi kum 1985-a Liverpool leh Juventus te'n European Cup final an khelh ṭuma chhiatna thleng a ni a, Heysel Stadium, Belgium-a inkhelah hian club pahnih fan-te an intibuai a, Juventus fans 39 in an nunna an chan.

He thil thleng vang hian English club te chu European competition-ah kum nga chhung an inlan phal loh a ni a, Liverpool bik hi kum sawm atan hrem an ni.

Juventus thuchhuak chuan FA sawmna chu lawmawm an tih rualin May thlaa club hminga hriatrengna hun an buatsaih tur a tih khawbaw palh an hlauh vangin FA dilna chu an pawm thei lo tih an sawi a ni. May 29 khian Heysel chhiatna hian kum 30 a tling dawn a ni.