Reina a inchhir lo

Spanish goalkeeper Pepe Reina chuan Liver­pool a chhuahsan chu a inchhir loh thu a sawi.

Reina chuan, "Napoli-ah ka loan hun ka hmang zo a, Liverpool-ah cham zel turin thutlukna ka siam thei; chutihlai tak chuan Bayern an rawn lang a. Manuel Neuer-a awmna club a nih avangin thutlukna siam harsa tak ni mah se German club ka zawm hi ka inchhir lo," tiin a sawi.

Kum 32-a upa Spa­nish keeper chuan sawi chhunzawmin, "Liver­pool-a second kee­per nih ai chuan club ṭha zawk Bayern-a second keeper nih kha ka thlang zawk. Germany-a ka hun tawn hi a hlimawm viau ka hria, Pep Guardiola leh Neuer hnen aṭangin thil thar tam tak ka hriat belh a ni," a ti.

Liverpool keeper hlui hian Bayern Munich-ah kum 2017 thleng contract a nei a, tun hnai maiah chuan German club hi chhuahsan a tum loh thu a sawi.

Reina chuan, "Ka contract-ah kum hnih a la awm a, club liana ka awm thei hi ka lawm a ni. Tun dinhmunah chuan Bayern-ah ka lungawi a, ka contract zawh hunah chuan min sawmna ka dawn dan a zirin club dang pawh ka la zawm mahna," tiin a khelh mek­naa a lungawi thu a sawi.