Newcastle in sum an lalut hnem

Premier League club Newcastle United chuan kum 2013-14 season khan pound maktaduai 18.7 hlawkna an hmuhchhuah thu sawiin an club chanchina season khata sum an lakluh hnem ber ṭum a ni a, season li chhung a zawna hlawkna an telna a ni ta bawk.

Newcastle United hian an club neitu Mike Ashley pawisa pound maktaduai 129 chu an ba mek bawk.

Club managing director Lee Charnley chuan, "Kan club neitu pa in mi a thlawp ṭhat em avangin Club in hma a sawn nasat phah a, sum leh pai ah pawh kan ngheh deuh deuh phah a ni. Sum leh pai a kan hmasawnna hian field chhung leh pawn lam thlengin min puih phah a, hmalam panin he club hi a kal zel a ni," a ti.

Premier League 12 na a awm mek Magpies hian chhiah pek vek hnuah pound maktaduai 18.7 an hlep thei a, kum 2013-a an hlep pound maktaduai 9.9 nen chuan tuna an hlep hi inthlau tak a ni.