Liverpool ngainatu Suarez

Season ṭan dawna Liverpool aṭanga barcelona pantu Luis Suarez chuan England-ah a kir leh a nih phawt chuan Liverpool chauh chu a khelh lehna tur awmchhun a nih thu a sawi.

He thu hi Suarez chuan Liverpool in an captain ropui season thara USA lama pem mai tur Steven Gerrard thlah na charity match an khelh dawna a sawi a ni.

Season hmasa lama Liverpool tan goal 31 thuntu Suarez chuan, "Football-ah chuan kan hmalama thil lo thleng tur sawilawk hi a harsa em em a, sawilawk theih a ni lo. Mahse, England-ah hian ka kir leh a nih phawt chuan Liverpool tan chauh ka khel ang, team dang tana khelh hi ka rilruah a awm lo a ni," a ti.

Uruguay international forward chuan, "Fan-te hi ka ngaiin ka ngaina em em a, ka thinlungah hmun nghet tak an chang tih hi anmahni pawn an hria a ni," a ti.

Suarez hi Liverpool-ah kum thum leh a chanve chamin, match 133 a khel hman a, goal 82 a khung a ni.