NE United hnuaiah Mizo naupang 22 training dawn

Indian Super League team Northeast United chuan Mizoram Football Association nena ṭang­kawpin Inrinni khan Lammualah ISL grassroots development programme an nei a, MFA hnuaia grassroots footballer-te training neihpuiin an zinga mi 22-te chu Guwahati-a training nei zui tura thlan an ni.

Heng naupang thlan­chhuah te hian April 7-ah Indira Gandhi Athletic Stadium, Sarusajai, Guwahati-ah training an nei leh ang a, an chet ṭhat chhoh dan azirin kal zel tura thlan an ni ang a; ISL hnuaia grassroots programme-ah an kal zelna tur ruahman a ni ang. Hetihlai hian Guwahati-a training an neih tur hi 'selection trial' ang deuh a la ni dawn a, mahni sum senga kal a ngai thung ang.

State paruk aṭangin naupang an thlang khawm a, hengte hi Gu­wahati-ah hian ni khat chhung 'football festival' an neihpui ang. Heta ṭang hian naupang ṭha zual 25 thlang lehin Mumbai-a ISL Grassroots Festivals neih turah Northeast United hmingin an tel ang. Mumbai-a kal man leh sensote hi ISL lamin an tum vek tawh ang.

Mumbai-ah hian ISL team hrang hrang aiawh naupang 200 velin festival an nei ang a, naupang ṭha zual 25 thlan chhuahte hnenah ISL scholarship pek a ni ang a, kum thum chhung ISL lam aṭangin hamṭhatna chi hrang hrang an dawng ang a, football-a an kal zelna tur kawhhmuh an ni bawk ang.

1. Samuel Lalmuanpuia Pachuau
2. Zonun Tluanga
3. F Zorintluanga
4. Calvin Lalruatfela Khiangte
5. Biaksanga Pautu
6. Henry Ramtharmawia
7. Zonunpuia Hnamte
8. VL Malsawmtluanga
9. Jeremy Lalfakzuala
10. Samuel Lawmsangkima
11. Albert Ramthlenpuia
12. Lawmnasangzuala
13. Lalnundika
14. Vanlalhruaia
15. Malsawmtluanga
16. Joel Lalramtleisanga
17. F Lalmalsawma
18. PC Lalnunfela
19. Vanlalmuanpuia
20. Lalhlimpuia
21. Vanlalchama
22. Francis Lalchhuanawma