Roma-in Hummels an lalut

AS Roma-in German defender Mats Hummels an lalut. Nipui bazar hun tawp tawh mah se Hummels hian club a nei lo. Club-in free agent player hi transfer hun loah pawh an lalut thei a ni.

Kum 35 mi Hummels hian sulhnu a neih ṭhat avangin Brighton & Hove Albion, Bologna leh Real Sociedad te nen pawh a sawizawm a ni a, duh thlang thei dinhmunah a ding.

German defender Hummels hian Roma pan a thlang a, Rome club tan hian June 2025 thleng daih contract a ziak. Season khat chhung hian euro maktaduai hnih a hlawh dawn a, a chet ṭhat dan a zira hlawh pun theih dan a awm bawk.