GMSC an vannei

I League 3 group C match chu RG Stadium-ah khelh chhunzawm zel a ni a, nimin inkhel hmuhnawm takah Mighty Young Joe-Goalorious Mothers Sports Club chuan hun pek belh minute ruknaa an goal hmangin HAL Sports Club chu 1-1 in an inhnehtawkpui.

Bangalore club HAL hian first half-ah Shreyas Vatekar hmangin goal hmahruai an khung a, second half-ah penalty hmangin 2-0 nih theihna remchang nei mah se striker Chandhan Sa chuan goal-ah a chantir thei lo.

GMSC an vannei zui - hun pek belh minute ruknaah corner an hmu a, Keegan Pereira pet chu Himanshu Patil chuan goal-ah a chantir - hun a tawp zui a, 1-1 in team pahnih an inhnehtawk.

HAL-in match hnih an khelh aṭangin point li an nei a, GMSC tan erawh an match hmasa ber a ni - nizan khan RKM Football Academy leh Coramandal FC an inkhel a, match hmasa bera chak lo ve ve team pahnih hi an result kan hre hman lo.