Ligue 1 hmahruaitu Lille

French football inelna sang ber Ligue 1 season kal laiah Lille chu hma-hruaitu an ni. Lille hian an match hnuhnung berah an ṭhenawm RC Lens chu 4-0 ngawta sawpin an dinhmun an sawhnghet.

Christophe Galtier-a naute hian tun season-ah league goal hnih chiah an la chhuah a, an tlarhnung a phui ṭhat bakah tlarhma lam an hriam bawk. Lens lakah hian Burak Yilmaz, Jonathan Bamba, Jonathan Ikone leh Yusuf Yazici te chuan goal khat ṭheuh an khung.

League match sarih an khelh tawh chinah Lille-in point 17 an hmu a, a chung berah an awm. Champion lai Paris St Germain chu pahnihnaah awmin an chunga awm an phak lohna hi point hnih chauh a ni.