West Brom-in Krovinovic an hawh

Premier League club West Brom chuan season hmasaa loan hmanga an lo hawh tawh, Benfica midfielder Filip Krovinovic chu season khat dang loan a hawh turin inremna an neihpui. 

Kum 25 mi midfielder chuan, "Hun a duh rei hret tih chu ka hria a, mahse a pawimawh ber erawh ka lo kir leh ta hi a ni. Ka chhungkua hnena ka lo kir thei hi ka lawm takzet. Ka unaupa hnenah pawh sikul kal laia chawlh hman hnua mahni sikul bawka kir leh ang mai ka inchan thu ka sawi a ni," a ti. 

Croatian midfielder hian season hmasa khan Baggies tan Championship-ah match 40 khelin goal thum a khung a, assist vawi thum a nei bawk. Baggies hian tun season-ah league match thum an khel tawh a, an match hnuhnung berah Chelsea 3-3 in an inhnehtawkpui tih loh chu an la tlawm ve ve.