Lewis Hamilton tan contract thar
World Champion Lewis Hamilton chuan tunkar chung hian Mercedes nen contract thar an ziahfel a beisei thu a sawi. Contract thar hi an ziak fel thei a nih chuan Hamilton hian kum khatah pound maktaduai 27 aia tam a hlawh dawn a ni.
Tunah hian Hamilton leh Mercedes team lam chuan tihfel ngai ang ang te an ti fel thawkhat tawh a, tunkar chhung ngeiin tihfel hman an tum. Tuna an hmabak awmchhun chu danhremi te hriatpuina neih chauh a ni tawh. Tuna a contract neih lai hi kuminah hian a tawp tawh dawn a, mahse Mercedes-ah hun rei zawk cham turin contract a ziak leh ta zawk a ni.
Kum 30-a upa Hamilton chuan, "Tunkarah kan tifel ang, tunah hian 99.6% chu tihfel a ni tawh. A rem lohna chhan tur engmah a awm tawh lo a ni," tiin a sawi.
Sawi chhunzawmin British driver Hamilton chuan, "Intlansiak team kan ni a, hmasawn zel tur kan ni. Tunah hian Ferrari leh Mc Laren te nen kan inel nasa hle mai a, hei hian phurna min pe in chak zel dauhna thinlung min pe bawk. Intlansik lo awm leh turah hian a hma aia ṭha a tlan zel kan duh a kan tum bawk," tiin a sawi.
Kum nga chhung Mc Laren Car a khalh hnuah Hamilton hian kum 2013 khan Mercedes a pan a, a kum khatnaah hlawhtling nghal lo mah se nikum khan World champion a ni thei a, kuminah pawh driver beisei awm ber pawl a ni mek.
A contract thar turah hian a hlawh pangngai chu kum khatah pound maktaduai 27 ni mah se a tlan ṭhat dan a zirin dawn belh tur a nei ang. Intlansiak a chak tam dan a zirte, World Champion a nih phei chuan a sum hmuh tur hi a pung hle tur a ngaih a ni.
Hamilton hian kumkhatah pound maktaduai 27 a hlawh anga, hetiang a nih chuan darkar tin pound 3,082-a hlawh anga, minute khatah pound 51.36 a hlawh dawn a tihna a ni. India pawisa chuan darkar khatah Rs 285222.84-a hlawh dawn tihna a ni.
A contract hlutna zawng zawng hi Formula one driver dang Mc Laren driver Fernando Alonso leh Ferrari driver Sebastian Vettel-a te contract nen a intluk tawk vel a ngaih a ni.
American business magazine Forbes in kum 2014 chhunga infiammi sum lalut hnem a tarlan te:-