Ram tan khelh zel ka in beisei - Mata

Manchester United midfielder Juan Mata chuan Spain tan a tam thei ang ber inkhel zel a beisei thu leh hmun chang tur a theih tawp a chhuah zel tur thu a sawi.

Kum 26-a upa midfiel­der hi Spain tan ṭum 34 khel tawhin goal 10 a khung tawh bawk, player ṭha tak ni mah se Andres Iniesta leh Xavi te vanglai a nan avangin ram tan a khel tam tawk lo.

Chelsea midfielder hlui Mata chuan, "Player zawng zawng duhthusam chu ram tana khelh hi a ni, kei pawh kan ram tana inkhelh hi nuam ka tiin ka tum ber pawh a ni. Player ṭha tak tak te nena khelhna hmun inchuh hi a nuam in a phurawm a, chona ṭha tak a ni." a ti.

Sawi chhunzawmin Spain international Mata chuan, "A tam thei ang ber inkhelh hi ka duhthusam a ni. World Cup leh Euro-ah kan champion tawh a, khang hunte kha ka tan chuan hun hlimawm ber ber te an ni. Mahse ka la duhtawk mai lo a, a tam thei ang ber a champion hi kan duh a ni," tiin a sawi.