A khelhpuite faktu Ozil

Arsenal midfielder Musut Ozil chuan Arsenal-a a khelhpui pahnih midfielder Santi Cazorla leh Alexis Sanchez te chu khelhpui nuam a tih thu a sawi.

Ozil hi khup hiam vangin hun reitak chhung a inkhelh theih loh hnuah tunhnaiah a inkhel leh thei tawhin a khel ṭha leh tawh hle a, a rawn kir hnuah Arsenal in game 13 an khelh tawhah vawi 11 hnehna an chang a ni.

German international Ozil chuan, "Kan squad kan en chuan player ṭha leh fing tak tak kan hmu nual ang. A bik takin ka khelhpui ṭhin zingah Alexis leh Cazorla te hi khelhpui an nuamin an thiam ka ti hle. Alexis inkhel hi in en chuan a taimak zia leh ball thiam zia inhmu chiang hle ang. Field chungah leh training naah ani hi chu a thutakin a thawkrim em em a, ani nen kan khel dun thei hi ka lawm hle," tiin a sawi.

Sawichunzawmin Arsenal midfielder kum 26-a upa Ozil chuan, "Midfield-ah chuan Santi hi a pawimawh ṭhin khawp mai, ani hi a fingin ball a thiam a kan tan chuan a pawimawh takzet. Ani nen team khata kan khel dun hi a nuam in a lawmawm hle," tiin a khelhpui pahnihte a fak hle.