Firmino hi Brazil star a ni - Thiago

Brazil captain hlui Thiago Silva chuan Dunga kaihhruaina hnuaiah Chile lama chakna goal khungtu Roberto Firmino chuan hmun pawimawh a chan chhoh zel a rinthu a sawi.

Brazil defender chuan, "Roberto hi star a ni a, Brazil tan an koh zel ka beisei," tiin Hoffenheim forward chung­chang a sawi.

Firmino hian Chile nena an inkhelh ṭum khan a vawi lina atan Brazil tan a inlan chiah a, chakna goal ṭum hnih a khungna a ni. November thla khan kum 23-a upa Firmino hian Austria an hneh ṭumin chakna goal a khung tawh bawk.

PSG defender chuan sawi zelin, "World Cup-ah hun hreawm tak kan tawng a, kan chak chhoh hian kan lungaihna khan ziaawm lam a pan zel a ni. A pawimawh ber chu inrintawkna neih let leh a ni," tiin a sawi.