UEFA-in thubuai siamsak

Zirtawpni zan khan Montenegro leh Russia te Podgorica-ah an Euro 2016 qualifier an khel a, buaina vangin an khel tluan thei lo. UEFA chuan ram pahnih football association-te chu thubuai an siamsak.

UEFA chuan Monte­negrin FA (FSCG) chu match khat tluan inkhel an buatsaih theih loh avangin thubuai an siam sak a, FSCG leh Football Union of Russia te chu an supporter-te'n halmawi leh thildang an vawm luh avangin thubuai an siamsak bawk.

Minute 67-naa Ger­man referee Deniz Aytekin-a'n inkhel a tih tawp khan goal a la lut lo a, Russia chuan UEFA hnenah chak zawk nih an dil a, thutlukna erawh a la awm lo.

Group G inkhelah khan an ṭan chauh tihin Russia keeper Igor Akinfeev chu halmawia vawm thluk nghal a ni a, damdawi-in panpui nghal niin a nghawng kang deuh mah se hliam na lutuk a nih loh avangin chhuahtir a ni. Buaina in bul ṭan mah se inkhel hi chhunzawm a ni a, Russia midfielder Roman Shirokov-a'n penalty a hlah a, a teammate Dmi­tri Kombarov-a theh tur supporter lamin an vawm leh avangin buaina a chhuak a, inkhel tihtawp a ni.

Ram pahnih hian point nga ve ve an hmu a, goal difference nei ṭha zawk Russia chu palinaah awmin Montenegro hi panganaah an awm thung.