Top 100 pawn lamah Tiger Woods
Golf thiam vanga khawvel pumin a hriat lar Tiger Woods chu a vawikhat nan Top 100 huangah a lang pha lo a, World number one hlui hi 104 naah a tla thla.
Kum 39-a upa American golfer hi February 6-a Farmers Insurance Open aṭanga a inhnuhdawh hnuin golf a khel leh rih lo. A inhnuhdawh chhan hi a hnung na vang a ni. Woods hi April 9-a Master khelh turah lo kir leh tawh tura beisei a ni.
Woods hian golf a khelh ṭan tirhin rank 221 na aṭangin bul a ṭan a, hei hi September 1996 daih tawh khan a ni.
A kar khatnaah 75 naah invawrh chho nghalin Las Vegas invitational-ah a champion a, hetih lai hian kum 20 chauha upa a ni.
Tiger Woods hi vawi 14 lai chu tournament lianthamah lo champion tawhin world number one ni rei ber record alo chelh tawh bawk a, kar 683 chhung chu World number one a lo ni tawh a ni.