Ashes 2015: Australia-in England hmachhawn tur an puang

2015 Cricket World Cup champion Australia-in nipuia England hmachhawn tur player 17 awmna squad an puang a, Middlesex captain Adam Voges leh Pakistan-a piang spinner Fawad Ahmed te telh an ni.

Kum 35-a upa Voges Sheffield Shield Player of the Year a thlan a ni a, 1,358 runs a siam a, a average pawh 104.46 a tling pha daih.

Ashes match nga khelh tura hmasa ber hi Cardiff-ah July 8 aṭangin khelh ṭan a ni ang. Hemi hma hian Australia hian West Indies nen June 5-ah two match series an khel phawt ang.

Test match-a captain tur chu Michael Clarke a ni a, a ni hian ODI-ah ram tana khelh a chawlhsan tawh.

Australia squad: Michael Clarke (c), Steve Smith, (vc) Fawad Ahmed, Brad Haddin, Josh Hazlewood, Ryan Harris, Mitchell Johnson, Nathan Lyon, Mitchell Marsh, Shaun Marsh, Peter Nevill, Chris Rogers, Peter Siddle, Mitchell Starc, Adam Voges, David Warner, Shane Watson.

Ashes Tests khelh hun

First Test: Cardiff - 8-12 July

Second Test: Lord's - 16-20 July

Third Test: Edgbaston - 29 July - 2 August

Fourth Test: Trent Bridge - 6-10 August

Fifth Test: The Oval - 20-24 August