Xavi-a'n a pha
Barcelona midfielder Xavi chuan Qatar club Al Sadd zawm tur anga an sawi chu thu dik lo a nih thu a sawi.
Kum 35-a upa Xavi hian ram tana inkhelh a chawlhsan tawh a, international match a awm avangin Qatar-ah ni li chhung a zin a, media lamin Qatar Stars League club Al Sadd nena an sawi zawm hi a mak lo.
Xavi chuan, "Qatar ka tlawh ve mai a ni, thil dang a awm lo, ka zin a ni ve mai," tiin an zina chu professional thil ni loin mimal thil a nih thu a sawi.
La Masia chhuak Xavi hi Barcelona nena kum 24 chhung an inzawm hnuah season tawp hian a chhuak dawn tih thawm a awm.
Tarlan dan chuan Xavi hian Real Madrid captain hlui Raul-a khelhna club tan hian kum thum daih contract a ziak niin an sawi. Amaherawhchu Spanish midfielder chuan, "Chanchinthar a awm chuan ka hriattir ang che u," tiin a pha a, a chhuak dawn lo tih pawh a sawi chuang lo.
Al Sadd director of football Mohammed Al Ali chuan, "Xavi hi lak luh ngei kan duh. Barca leh Spain national team khelh dan hi ramah rawn tinung thar se ka duh," tiin Xavi lak luh a duh thu a sawi.