Venus Williams a lo kir

Thla sarih zet taksa bawrh­sawmna avanga Tennis a khelh theih loh hnuah Miami Open-ah American Venus William a rawn inlan leh a, last 16-ah World number 5 Caroline Wozniacki a barakhaih.

Kum 34-a upa Venus hian minute 98 chhung in inkhel inhnehtawk takah Wozniacki chu 6-3 7-6 (7-1) in a hneh a ni. Quarter final-ah chuan seeded pasarihna Agnieszka Radwanska hnehtu Carla Suarez Navarro nen an inhmachhawn ang.

A unaunu World number 1 Serena Williams pawh a chak zel a, German Sara Errani chu 6-1 6-2 in awlsam takin a hneh a, quarter final-ah Sabine Lisicki a hmachhawn thung ang. Williams unau hian chak chho zel a nih chuan an vanglaia kan hmuh tawh ṭhin angin an unau final kan hmu leh thei dawn a ni.

Mipa lamah Champion lai leh World number 1 Novak Djokovic chuan a title humhim turin a khingpui Belgium Steve Darcis 6-0 7-5 in chu a hneh bawk. Inkhel dangah Milos Raonic chuan Jeremy Chardy chu 6-1, 5-7, 7-6 (3) in a hneh hram a, David Ferrer chuan Lukas Rosol chu 6-4, 7-5 in a hneh bawk.