PSG-in Rico la nghet

Paris St Germain chuan season hmasa chhung loan hmanga an hawh tawh Sergio Rico chu an la nghet. Spanish goalkeeper hian Paris club tan hian season li daih contract a ziak a ni.

Kum 27 mi Rico hian nikum September thla khan Sevilla aṭangin Ligue 1 champion hi loan-in a zawm, inelna hrang hrangah match 10 khelin rinrawl a ni phak lo. Ligue 1, League Cup leh French Cup chawi zingah a tel a, Champions League final an lut bawk.

PSG hian UCL final an khelh avangin chawlh an hmang rei a, season thar bul an la ṭan ve lo. An elpui tur club dang chuan league match hnih an khel tawh - Thomas Tuchel-a naute hian an league match hmasa ber atan September 13, Pathianni zan hian Marseille an hmachhawn ang.