Quarterfinal-ah Bopanna leh Shapovalov

India tlangval tennis khel thiam Rohan Bopanna lah a ṭanpui Denis Shapovalov te chuan US Open khelh laia doubles huangah quarterfinal an inhlangkai, semifinal lut tur chuan Jeal-Julien Rojer leh Horia Tecau te ṭangdun an hneh leh a ngai ang.

Nimin last 16 inkhelah Indo-Canadian pair hian German duo Kevin Krawietz leh Andreas Mies te hi 4-6, 6-4, 6-3 in an hneh, hnehna chang tur hian darkar khat leh minute 47 chhung hun an hmang a ni.

US Open-ah hian Sumit Nagal chu singles huangah a inlan, a match hmasa berah hnehna chang mah se Dominic Thiem hneh loin second round-ah a tla. Tunah chuan Indian player zingah Bopanna chauh hi a dam tawh.