September 24-ah Mizoram Open Athletics Meet

Mizoram Open Athletics Meet vawi 31-na chu September 24-26, 2024 hian RG Stadium, Mualpuiah neih a ni dawn a, Mizo zinga tlan chak ber leh zuang thui leh sang ber a hriat thuai dawn.

Mipa leh hmeichhe inelna a awm dawn. Mipa inelnaah hian intlansiakah 100m, 200, 400m, 1500m leh 10,000m te a awm dawn a; 4x100m relay race a awm bawk ang. Inzuansiakah high jump, long jump leh triple jump a awm dawn a; discuss, javelin leh shot put te a awm dawn bawk.

Hmeichhe inelnaah intlansiak a awm dawn a; 100m, 200, 400m, 1500m leh 5,000m te a awm dawn. High jump leh long jump bakah discuss, javelin leh shot put hmanga inelna a awm ang.

Inelna hi Mizoram Athletics Association buatsaih a ni a, tun ṭuma che ṭhate hian October thlaa neih tur 35th East Zone Junior Championship, Bubhaneswar-ah Mizoram ai an awh ang.

Mizoram Open-ah hian a duh apiang tan tel theih a ni a, phone number 8787334142/7005774720-ah zawhfiah theih a ni.