Palmer leh Chilwell an tel lo

Chelsea chuan Conference League khel tur squad an puang a, player ṭha Cole Palmer a tel ve lo - England international defender Ben Chilwell hming a lang lo bawk.

England forward Palmer bakah hian midfielder Romeo Lavia leh defender Wesley Fofana te pawh telh an ni lo. February thlaah knockout stage khel tur squad hi siamṭhat leh theih a ni dawn a, player ṭhate an ziak tel vek tawh ang.

Blues hian tun season chhungin inelna panga an hmachhawn dawn, a tam thei anga chhut chuan match an khelh theih zawng zawng hi 80 tehmeuh a tling a, player ṭha ho pawh an inkhelh chhawk viau a ngai dawn tihna a ni.

Palmer tel loh dan hi chu player ṭha a nih avanga khek a ni a, defender Chilwell erawh chhawr duh loh zinga mi a nih vang a ni thung - English player hian a khelh phakna tur hmun club a zawn hmuh a ngai dawn.

Premier League club dang Tottenham pawhin Europa League khel tur squad an puang a, player tarlan 23 zingah defender pahnih Djed Spence leh Sergio Reguilon te hming a lang ve lo a ni.