League B-ah England khel dawn

UEFA Nations League-ah zanin dar 9:30 hian England an inlan dawn a, Republic of Ireland khelmualah lengin, British derby an khel dawn - coach lailawk Lee Carsley hnuaia an match hmasa ber tur a ni ang.

England hi season hmasa khan League A-ah awmin, match ruk an khelh aṭanga point thum chauh an hmuh avangin an relegate a, 2024-2025 UEFA Nations League-ah chuan League B an khelh a ṭul phah - an group-ah hian Ireland bakah Finland leh Greece an awm ve bawk.

Three Lions hian Euro 2024 khelh zawh takah khan final an lut a, Euro zawnin final an khel thei - mahse, an chak zo lo ve ve a, Spain laka an tlawm hnuah coach Gareth Southgate chuan a ban thu a puang.

Southgate ban hnuah a thlaktu tur coach an zawng a, a ngheta coach rawih thar an la neih rih loh avangin England Under-21 coach Lee Carsley chuan coach hna a chelh lailawk - player a nih laia Republic of Ireland tana vawi 40 inlan hman Carsley hian national senior team a enkawl hmasak berah an ram team a hmachhawn dawn tihna a ni.